Bermîleke petrola brent li bazarên navneteweyî bi 79,21 dolaran tê firotin.

Doh bihayê bermîleke petrola brent heta 86,33 dolaran bilind bûbû lê roj bi 79,36 dolaran xelas kiribû.

Îro saet 09:32yan bihayê bermîleke petrola brent li gorî doh dawiya rojê ji sedî 0,19 kêm bû û bû 79,21 dolar.

Di heman demjimêran de bermîleke petrola xav a Teksasê (WTI) jî bi 75,35 dolaran hat firotin.

Daxuyaniyên li ser asayîbûna trafîka deryayî ya li Tengava Hurmizê bandor li daketina bihayê petrolê kir.

Serokê Amerîkayê Donald Trump ji kanala Fox Newsê re axivî û li ser dan û standinên bi Îranê re peyamên erênî dan.

Trump diyar kir ku dan û standinên bi Îranê re "gelekî baş" diçin.

Serokê Amerîkayê destnîşan kir ku dê rewş di nava 48 saetan de zelal bibe û Tengava Hurmizê jî dê di demeke nêzîk de were vekirin.