1. HABERLER

  2. KURDÎ

  3. Wezîrê Darayî: Planên me yên aksiyon amade ne
Wezîrê Darayî: Planên me yên aksiyon amade ne

Wezîrê Darayî: Planên me yên aksiyon amade ne

Wezîrê Xezîne û Darayî yê Tirkiyê Berat Albayrak ragihand, ku bilindbûna dolar û diwîzê li hember lîreyê Tirkiyê nîşena êrîşeke eşkere ne û diyar kir ku ji bo aramkirina piyasayê planên wan ên aksiyon amade ne.

A+A-

 

Wezîrê Xezîne û Darayî yê Tirkiyê Berat Albayrak derbarê bilez bilindbûna nirxê diwîz û dolarê ya li hember lîreyê û ziyanên wê yên li ser aboriya Tirkiyê ji rojnameyeke tirkî re axivî.

 

Berat Albayrak amaje bi siyaseta Amerîkayê kir û got: “Eşkere ye, ku ev êrîş ji aliyê lîstikvanê herî mezin a sîstema fînansa cîhanî vet ê birêvebirin. Ev yek bi serê hemû welatên pêşkeftî de anîn û tînin.”

 

Albayrak bi bîrxist ku Amerîkayê ev yek bi serê Rûsyayê jî anî lê wî welatî karî xwe komî serhev bike û diyar kir: “Pereyê me raste rast bûye armanca Serokê Amerîkayê, di rewşeke wiha de xelet e mirov rexneya qelsbûnê li aboriya Tirkiyê bigre. Me li hember vê pêla bilindbûn û nizimbûna piyasayan plana xwe ya aksiyonê amade kiriye.”

 

Berat Albayrak da zanîn, ku ew pir giringî didin serxwebûna polîtîkayên li ser pereyê û got: “Divê ev yek jî bi polîtîkayên bihêz ên darayî werin piştgirîkirin. Banka Navendî jî di biryara xwe ya dawîn de behsa giringiya van polîtîkayan kir. Em ê di vê warî de bikevin nav pêvajoyeke bihêz.”

 

Wezîrê Xezîne û Darayî yê Tirkiyê da xuyakirin, ku xala herî giring a plana wan a aboriyê ew e, ku li derveyî bûdceyê ti mesrefên din nekin û li ser vê yekê jî ligel wezaret û saziyên peywendîdar axivîne.

 

Albayrak anî ziman ku ew dê giringiyê bidin hilberîna fîrmayên navxweyî û piştigiriyê bidin berhemên wan û sîstema teşwîqê jî ji nû ve sererast bikin.

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.