1. HABERLER

  2. KURDÎ

  3. Salih Muslim: Êdî pêwîstiya me bi çekan kêmtir heye
Salih Muslim: Êdî pêwîstiya me bi çekan kêmtir heye

Salih Muslim: Êdî pêwîstiya me bi çekan kêmtir heye

A+A-

 

 

Hevserokê berê yê PYDê Salih Muslim ragihand ku Serokê Dewleta Amerîkayê Donald Trump di hevdîtina xwe yê bi Erdogan re gotiye ku, "Rewş guheriye û çekdayîna YPGê dê ji ber çevan re derbas bikin. Lê rayedarên tirk tiştan li gorî xwe fêm dikin û wisa dibêjin.

Hevserokê berê yê PYDê Salih Muslim ji televîzyona Dengê Amerîkayê re axivî û diyar kir ku Serokê Dewleta Amerîkayê di hevdîtina xwe yê bi Serokomarê Tirkiyeyê Recep Tayyip Erdogan re gotiye ku rewş niha guheriye û çekdayîna YPGê dê ji ber çevan derbas bikin.

 

‘RAYEDARÊN TIRK TIŞTAN LI GORÎ DILÊ XWE FÊM DIKIN'

Muslim wiha pê de çû: "Tiştên ku tên gotin, rayedarên tirk li gorî kêfa xwe dixwazin fêm bikin, tiştên di dilê wan de ne tînin ziman. Lê heqîqat ne wisa ye. Birêz Trump van tiştan negotiye, Trump gotibû rewş hatiye guhertin Reqa hatiye rizgarkirin û em ê çêkin didin YPGê dê ji ber çevan ve derbas bikin. Trump di wir de behsa qutkirina çekdayînê nake. Tiştên ku ji aliyê Wezîrên tirk Mevlut Çavuşoglu ve hatin gotin ne rast in. Rayedarên amerîkî bo me dibêjin hevkarê me, biguman ku te ji yekî re got hevkar, alîkarî jî didomin. Niha rewş hatiye guhertin, Reqa rizgar bûye, hedefên ku Hêzên Sûriyeya Demokratîk ku dabû pêşiya xwe heme hema temam kiriye. Bêguman êdî pêwîstiya me bi çekên kêmtir heye."

 

 

‘AMERÎKA HEBE TINEBE EM MECBÛRÊN ŞERÊ DAIŞê BIKIN'

Muslim li ser pirsa dibêjin hin DAIŞ li Sûriyeyê mane hûn dikarin bê Amerîkayê şerê li dijî DAIŞê bikin wiha bersivand: "Me beriya Amerîkayê şerê li dijî DAIŞê dikir. Amerîka hebe, tinebe em mecbûrên şerê DAIŞê bikin. Lewre DAIŞ ji bo tunekirina kurdan hat avakirin. Niha DAIŞ ji Reqa û Dêra Zorê derketiye. Ev yek nayê wateya ku DAIŞ tinebûye. DAIŞ bîr û baweriye. Ez bawerim DAIŞê dê dewam bike.

‘EM JI BO CENEVÊ DÎSA NEHATIN VEXWENDIN'

Muslim li ser vexwendina Cenevê jî diyar kir ku heta niha vexwendin ji bo wan nehatiye û wiha pê de çû: "Me ji hemû aliyan re gotiye ku em ji bo nîqaşan, diyalogan û pirsgirekên li Sûriyeyê re vekirîne. Lê heta niha kesî me venexwendiye. Dema ku em biçin Cenevê projeya me bo çareseriyê heye. Xuyaye ku em ji bo Cenev 8ê jî nayên vexwendin û ev yek jî bê encam dimîne. Hinek alî hene ku navwazin krîza li Sûriyeyê çareser bibe. Baweriya me ew e ku hêzên mezin bi awayeke cidî bixwazin krîzê çareser dikin û ev yek jî bê me pêk nayê."

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.