Fermandareke hêzên Pêşmergeyên Kurdistanê amaje bi vê yekê dike ku li eniya Guwêr û Mexmûr û gelek eniyên din ên hêzên Pêşmerge, ji aliyê DAIŞê ve çekên kîmyayî li hember Pêşmerge hate bikaranîn û armanca wan ew bû ku Pêşmerge ji wan sînorên Kurdistanê xwe vekêşe û got: ‘’Raporta taybet bo Amerîka û NY (Netewên Yekbûyî) hatiye amade kirin.’’

Fermandarê hêzên Pêşmergeyên Kurdistanê yê eniya Guwêr Cemal Murtke ji BasNewsê re ragehand: ‘’Zêdetir ji 4 caran DAIŞê çekên kîmyayî li eniya Guwêr û Mexmûrê bikaranî û Pêşmerge birîndar bûn. Piştre lijneyek navnetewî li wan birîndaran nêrî û raportek li ser bikaranîna çekên kîmyayî dane hevpeymanan û biryare yek nûshayek ji wê raportê jî ji NYê re bê dayîn, ku DAIŞê çawa xwastiye bi çekên kîmyayî ve êrîş bike ser hêzên Pêşmerge’’ herwaha got: ‘’Armancê DAIŞê ew bû, Pêşmerge li wan eniya xwe bikşîne û bixwe bên û cîhê Pêşmerge bigrin, yekem car bi êrîşê, lê piştre bi bikaranîna çekên kîmyayî ve ew yek ceribandin.’’

Cemal Murtke got, piraniya wan çekane li Mûsilê dihatin çêkirin û berhemê DAIŞê bixwe bûn û ji aliyê wan efserên Beisî yên kevin ku berê di artêşa Iraqê de bûn ji aliyê wan ve dihatine çêkirin.