1. HABERLER

  2. KURDÎ

  3. Peyama Barzanî bi helkefta Newrozê
Peyama Barzanî bi helkefta Newrozê

Peyama Barzanî bi helkefta Newrozê

Mesûd Barzanî bi helkefta cejna Newrozê peyamek belav kir û ragihand, Kurdistan derbasî qonaxeka nû bûye.

A+A-

 

Îro 20 Adarê, dawî roja zivistanê û destpêka bihar û Newrozê ye. Serok Barzanî bi vê helkeftê peyamek belav kir û Newroz li hemû gelê kurd pîroz kir. Peyama Barzanî wiha ye:

 

“Bi navê Xwedayê mezin û dilovan,

Bi helkefta cejna neteweyî ya Newrozê û hatina bihar û nûbûna xweza û sirûştê germtirîn pîrozbahiyên xwe pêşkêşî hemwelatiyên xweşdivî yên Kurdistanê û malbatên serbilindên şehîdan û pêşmergeyên qehreman û hemû têkoşer û niştimanperwerên Kurdistanê dikim.

Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sitemkaran û dijwariyan da bûye. Xelkê Kurdistanê di heyama salên derbasbûyî de di şerê dijî terorîstan û li beranber zulma neyaran û kêşe û qeyranê xweragir bûne û ew xweragiriya wan cihê rêzê ye. Cihê xwe ye li vê helkefta neteweyî da daxwaz ji hemû aliyan bikim wekî wefayek ji bo xwîna şehîdan û qehremaniya Pêşmerge û xweragiriya gelê Kurdistanê, pêşkeftin û parastina Kurdistanê bikin ewlewiyeta karên xwe. Niha qonaxekî din e li jiyana gelê Kurdistanê da û pêwîstiyên vê qonaxê wiha dixwaze ku em berev avakirina Kurdistaneka bihêz û geş gav bavêjin ku li rastiyê da her eve jî daxwaza rastîn ya hemû hemwelatiyên Kurdistane û pêwîst e rêz li wê îradeyê bê girtin. Ji ber ku ew azadî û destkeftên niha hene berhema xwîna şehîdan û xweragiriya xelkê Kurdistanê ye.

Li vê helkeftê da em tekez li ser parastina çanda pêkvejiyan û birayetî û tebayî ya di navbera pêkhatên Kurdistanê dikin û hêviya kûrtirbûna wê çanda bi biha ya gelê Kurdistanê dixwazin. Ji bilî spasiyên min ên ji bo zehmet û keda hêzên Polîs û Asayîşê ya li xizmetkirina xelkê û dabînkirina asayîşê li cejn û helkeftan da daxwazê ji hemû hemwelatiyên xweşdivî dikim parastina jîngehê û xweşikiya welatê me bi erkê xwe yê serekî bizanin.

Hêvîdarim Newroza îsal bibe destpêkek ji bo bexteweriya hemû xelkê Kurdistanê û hêvî dikim vê Newrozê û hemû cejnê din jî bi şadî û di bexteweriyê de pîroz bikin.

Newroza we pîroz û di xêr û xweşiyê da bimînin.

Mesûd Barzanî

20.03.2019”

Etiketler : ,
Önceki ve Sonraki Haberler

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.