1. HABERLER

  2. KURDÎ

  3. Parlamentoya Kurdistanê derbarê rewşa Rojavayê Kurdistanê de dicive
Parlamentoya Kurdistanê derbarê rewşa Rojavayê Kurdistanê de dicive

Parlamentoya Kurdistanê derbarê rewşa Rojavayê Kurdistanê de dicive

A+A-

Ji ber êrîşa Tirkiyê bo ser Rojavayê Kurdistanê û ji bo gotûbêjkirina rewş û pêşhatên herî dawî, Parlamentoya Kurdistanê sibê Sêşemê civînekê derbarê rewşa Rojavayê Kurdistanê lidar dixe.

Biryare sibê Sêşemê Parlamentoya Kurdistanê civîneke taybet li ser êrîşên Tirkiyê yên li dijî Rojavayê Kurdistanê saz bike û di civînê de rewşa û pêşhatên herî dawî yên têkildarî êrîşa Tirkiyê bo ser wê parçeya Kurdistanê gotûbêj bike.

Li gorî daxuyaniyeke Serokatiya Parlamentoya Kurdistanê, roja Sêşemê di demjimêr 11ê berî nîvro de, civîna Parlamentoya Kurdistanê dest pê dike û dê nerîna fraksiyonên parlamentoyê li ser rewşa niha ya Rojavayê Kurdistanê bê gotûbêjkirin.

Roja Çarşema derbasbûyî, Tirkiyê li gel komên çekdarên Sûrî yên ser bi wî welatî ve êrîşeke berfireh a bejayî û esmanî li ser Rojavayê Kurdistanê dest pê kirin.

Di encama êrîşên Tirkiyê de, heta niha bi dehan kesên sivîl ên Rojavayê Kurdistanê canê xwe ji dest dane û tenê duh di bombebarana Serê Kaniyê de, 13 kesên sivîl canê xwe ji dest dan û nêzîkî 100 kesên din jî birîndar bûn.

Herwiha ji ber êrîşên Tirkiyê, li gor Netewên Yekgirtî zêdetir ji 130 hezar kes jî koçber bûne.

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.