1. HABERLER

  2. KURDÎ

  3. PAK: Komkujîya Helebçeyê dewam dike
PAK: Komkujîya Helebçeyê dewam dike

PAK: Komkujîya Helebçeyê dewam dike

A+A-

Partîya Azadîya Kurdistanê (PAK) bi minasebata 31 salîya komkujîya Helebçeyê daxuyanîyek belav kir. Di daxuyanîyê da hatîye gotin ku bi qedexeyên li zimanê kurdî û qebûlnekirina welatê kurdan û milletê kurdî, îradeya gelê Kurdistanê feraseta komkujîya Helebçeyê dewam dike.

Di daxuyanîyê da amaje bi kîmyabarana serokê rejima Beasê Seddam Hisên a ser Helebçeyê hatîye kirin û wiha hatîye gotin: “31 Sal berê di roja 16ê Adara 1988an de li Helebçeya Başûrê Kurdistanê rejîma Seddam Huseyinî, bi bombe barana kîmyewî zêdeyî ji 5000 kesî qetil kirin. Piranîya qurbanîyan zarok û jin û pîr bûn.

Li Helebçeyê ne bes 5000 hezar mirov; lê wîcdane mirohîyê jî şehîd ketibû.

Ev ne bes qirêjîya Seddam Huseyin ê faşîst û dîktator bû; herweha şerm û lekeyeke bû li ênîya mirovahîyê jî.

Di dema jenosîda Helebçeyê de mixabin hemû dewletên herêmê û yên cihana Erebî , Yekitîya Sowyetan, Japonya, Çîn, Dewletên Ewropa û Dewletên Yekbûyî yên Amerîkayê jî bêdeng man û çavên xwe ji vê jenosîdê re girtin.”

Piştî 31 salên jenosîda Helepçeyê, gelê Kurdistanê hîna jî tûşî komkujî, qetlîam , kuştin, neheqî û wêranîyan dibe. Belê, Jenosîda Helebçeyê îro jî bi binpê kirin û tune hesibandina  îradeya gelê Kurdistanê  berdewam e.

Di beşekî din ê daxuyanîyê da amaje bi wê yekê hatîye kirin ku dewletên dagirkerên Kurdistanê bo rêliber azadîya kurdan bigirin hevkarîyê bi hev ra dikin û hêzên navdewletî jî ji vê yekê ra bêdeng in.

Komkujîya Heleçbçeyê hatîye şermezarkirin û wiha hatîye gotin: “Tirkîye, Îranê, Iraq û Sûrîye, ji bo ku miletê Kurd, gelê Kurdistanê tu maf û azadîyan bi dest nexe, ji bo ku li tu derê statuyeke sîyasî bi dest nexe, bi plan û stratejîyên pir alî , hevkarîya xwe didomînin.

Dewletên mezin yên cîhanê jî, çawa ku çavên xwe ji jenosîda Helebçeyê girtibûn, îro jî gelek caran çavên xwe ji êrîş û planên van her çar dewletan digirin.Dermanê kewandina birînan jî, dermanê geş kirina doza azadîya Kurdistanê jî, tifaqeke li ser esasê hişmendî, sîyaset û bîr û bawerîyeke netewî û niştimanî ye. Emê vê birîna xwe ya dîrokî ya bêtifaqêyê jî bi tifaq û hişmendîya netewî bipêçin û emê miheqeq bi serkevin.

Em di 31yemîn salvegera jenosîda Helebçeyê de, vê jenosîdê careke din rûreş dikin.”

Önceki ve Sonraki Haberler

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.