Li Stenbolê baraneke boş û zîpikên qasî gûzan bariyan. Gelek geşt û seferên esmanî û deryayî hatin sekinandin.

Piştî barîna baran û zipikan (teyrok), geştên esmanî yên Firokexaneya Atatirk a Stenbolê hatin rawestandin, seferên metroyê hatin betalkirin û trafîka Stenbolê sekinî.

Herwiha ji ber baran û zipîkan li Stenbolê seferên keştiyan jî nehatin pêkanîn.

Weke din li Lîmana Haydarpaşayê jî danê êvarê vînçek kete ser bermîlên rûn û bermîl teqiyan. Piştî teqînê agir derket û tîmên agirkuj hatin cihê bûyerê û agir tefandin.

Rêveberiya Giştî ya Meteorolojiyê ya Tirkiyê jî bi daxuyaniyeke nivîskî hişyar kir, ku li bakurê rojavayê Tirkiyê baranên boş têne payîn û ji ber vê jî divê welatî li hember îhtîmala lehî û brûskan haydar bin.