1. HABERLER

  2. KURDÎ

  3. Li Kurdistanê zêdetirî 7 hezar kes bûne qurbaniyên mayînan
Li Kurdistanê zêdetirî 7 hezar kes bûne qurbaniyên mayînan

Li Kurdistanê zêdetirî 7 hezar kes bûne qurbaniyên mayînan

A+A-

 Rêveberê Ragihandinê yê Saziya Paqijkirina Mayînan li Silêmaniyê ragihand ku heta niha 7 hezar û 484 kes bûne qurbaniyên mayînan.

 

Rêveberê Ragihandinê yê Saziya Paqijkirina Mînan li Silêmaniyê Ehmed Fetah ragihand ku li herêmên Silêmaniye û Helepçe, bermayên şerê Iraq û Îranê metirsiyeke mezin li ser jiyana xelkê ava dikin û got heta niha 7 hezar û 484 kes bûne qurbaniyên mayînan.

 

Ehmed Fetah ji Rûdawê re ragihand ku li Herêma Kurdistanê, di rûberekî bi berfirehiya 234 metre çargoşe mayîn hatibûn danîn û got, “Heta niha devereke ji 62 milyon metre çargoşe hatiye paqijkirin. Lêbelê hêj di qadeke bi berfirehiya 172 milyon metre çargoşe ya ku mayîn lê hatine dayîn, maye. Tê pêşbînîkirin 127 hezar mayîn û teqemenî li van deveran hebin.”

 

Ehmed Fetah destnîşan kir ku li gor daneyên fermî, heta niha 6 hezar û 9 kesan di encama teqîna mayînan de canê xwe ji dest dane û hezar û 475 kes jî birîndar bûne.

 

Wî rêveberî herwiha aşkere kir ku bi mebesta paqijkirin û parastina ji mayînan li gelek deveran 2 hezar 400 serdan encam dane û li ser vê mijarê xelk agahdar kirine.

 

Li Herêma Kurdistanê xebatên paqijkirina mayînan ku di heyamên cuda de hatine danîn berdewam dikin. Lêbelê li gor daneyên dezgehên peywendîdar, heta niha tenê ji sedî 30 ê wan zeviyên ku mayîn lê hatine danîn, hatine paqijkirin.

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.