Li navçeya Kercews a ser bi parêzgeha Êlih a Bakurê Kurdistanê dozgerekî xwe kuşt.

Li gorî zanyariyan îro Înê li navçeya Kercewsê, dozgerê 28 salî yê bi navê Abdulsamet Yilmaz ê ku berî 2 mehan li navçeyê hatibû damezrandin, di mala xwe ya li yekeyên niştecihbûnê yên karmendên dadgehê de dawî li jiyana xwe anî.

Li ser agahdarkirinê tîmên tenduristiyê çûne cihê bûyerê û dozgerê navborî rakirin Nexweşxaneya Perwerde û Lêkolînan a Êlihê.

Hat ragihandin tevî midaxeleyên li nexweşxaneyê Abdulsamet Yilmaz li nexweşxaneyê mir.

Heta niha sedema xwekuştina wî dozgerî nehatiye eşkerekirin.

Li aliyê din hêzên ewlekariyê li ser bûyerê lêkolîn dan destpêkirin.