Cîgirê Serokê Yekîtiya Niştîmaniya Kurdistanê (YNK) Mele Bextiyar di axaftina xwe de got: "Kurdan gelek bedelên giran dan. Digel vê rêvebiriya Bexdayê ev 14 sal in mafê kurdan dixwe û mueyîdeyên ekonomîk û siyasî li ser Kurdistanê disepîne. Lewma baweriya me bi Bexdayê nemaye."

‘WÊ RÊJEYA DENGÊ ERÊ YÊ SILÊMANIYÊ JI YA DIHOK Û HEWLÊRÊ NE KÊMTIR BE'

Mele Bextiyar di berdewamiya axaftina xwe de got: "Ti welatek bi giştî ne li dijî referanduma serxwebûna Kurdistanê ye.YNK li seranserê Kurdistanê piştgirê herî mezin ê referanduma 25ê Îlonê ye. Di referanduma serxwebûnê de wê rêjeya dengê erê yê Silêmaniyê ji ya Dihok û Hewlêrê ne kêmtir be."

Bextiyar di dirêjiya axaftina xwe de got: "Hetanî serê sala 2018an wê hemleyên reformên ekonomîk ên Kurdistanê encam bidin û li Kurdistanê rewşa ekonomîk dê rast bibe."