1. HABERLER

  2. KURDÎ

  3. Îro seroka parlamentoya Kurdistanê diguhere
Îro seroka parlamentoya Kurdistanê diguhere

Îro seroka parlamentoya Kurdistanê diguhere

A+A-

Îro Rêwaz Fayiq dibe seroka nû ya Parlamentoya Kurdistanê, herwiha dê 4 kesên nû li şûna parlamenterên ku bûne wezîr, bibin parlamenter.

 

Piştî hilbijartina kabîneya nehem a Hikûmeta Herêma Kurdistanê, îro parlemena Kurdistanê dicive û li gor bernameya karê îro, dê seroka nû ya parlamentoya Kurdistanê li şûna Dr. Vala Ferîd bê hilbijartin.

 

Li gorî rêkeftina di navbera Partiya Demokrata Kurdistanê û Yekîtiya Niştîmaniya Kurdistanê de, serokatiya parlementoyê dibe para YNKê, lê ew rêkeftin dereng ketiye, û bi vî awayî heya îro Dr. Vala Ferîd ji PDKê serokatiya parlamentoyê dike.

 

Di civîna îro de, dê YNKê serokatiya parlementoyê werbigre, û Rêwaz Fayiq dibe seroka nû ya parlamentoyê.

 

Desteya Serokatiya Parlemena Kurdistanê ragihandiye ku dê îro Pêncşemê parlemen bicive û serokeke nû ji bo parlemenê bê hilbijartin û herwiha li şûna wan kesên ku bûne wezîr jî, parlementer bêne hilbijartin.

 

Desteya Serokatiya Parlamentoyê bernameya kar a rûniştina hejmar 14 a asayî ragihand  û di vê çarçoveyê de jî, dê sondxwarin û hilbijartina parlementerên nû li şûna wezîran birêve biçe.

 

Li gorî vê yekê jî, dê Lence Îbrahîm Ebdulrehman li şûna Dr. Vala Ferîd, Şîrîn Yûnis Ebdullah li şûna Bêgerd Talebanî, Hîmdad Salih Bîlal li şûna Aydin Meirûf û Bapîr Kamela Selman jî li şûna Ebdullah Mehmûd dest bi kar bikin.

 

Her di civîna Îro de, xwendina yekem li ser pirojebiryara naskirina 3ê yê Tebaxê, weke roja Cînosaydkirina Kurdên Êzidî tê kirin.

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.