Erdogan, di çarçoveya bangeşeya hilbijartinên Şaredarî yên partiya xwe de, li bakurê Kurdistanê bajarê Dîlokê axivî û careke din balkişand ser rêkeftina Edeneyê ya sala 1998 û got, rêkeftin berdewam dike.

Da xuyakirin, li herêmê lîstikeke pir kûr heye, ne tenê pirsgirêka Sûriye, Iraq û DAIŞ e. hesab û armancên kûr û berfireh hene.

Erdogan got, ew girîngî didin çareseriyên siyasî û dîplomasî. Lê bi operasyonên mertala Feratê û Şaxê Zeytûnê jî nîşan dane ku dikarin operasyonên leşkerî jî bikin. Eger ku ji helwestên dîplomatîk encam neye girtin, ewê şevek ji nişka ve dest bi operasyonê bikin.