Di erdheja navend Îran bû da li Wanê 9 kes mirin
Wezîrê Tenduristiyê Fahrettîn Koca daxuyand di erdheja li ser sînorê Tirkiye-Îranê çêbû da 9 welatî mirin û 37 kes jî birîndar bûn.
Koca li ser Twîtterê der barê erdheja li ser sînorê Tirkiye-Îranê çêbû da peyamek weşand.
Wezîr Koca got erdhejê zirar da Başkaleya navçeya Wanê jî û wiha dewam kir: "9 welatiyên me mirin, 37 birîndarên me hene ku rewşa 9 kesan giran e. 25 ambulans, ambulanseke firoke û 13 tîmên UMKEyê demildest gihîştin cihê bûyerê. Rewşa 9 kesan giran e, ji bo birîndarê din çi ji destê me tê em dikin."
Fahrettîn Koca ji bo kesên di erdhejê da mirine got rehma Xwedê li wan be û ji bo birîndaran jî şifa xwest.
Wezîrê Karên Navxweyî Suleyman Soylu der heqê erdheja ser sînorê Tirkiye-Îranê da gotibû:"Li gundê Ozpinarê 7 welatiyên me, li gundê Guvendîkê jî welatiyekî me mir. Bi tevahî 8 welatiyên me mirin."
Soylu di weşana zindî ya CNN Turkê da daxuyanî da û diyar kir, li ser erdhejê ji 4 gundên Başkaleyê agahî hatin, wan ekîb şandin herêmê.
Soylu diyar kir, piştî erdhejê ekîbên lêgerîn û xelaskirinê û gundî ji bo xelaskirina welatiyên binê kavilan xebitîn û wiha dewam kir:"Li gundê Ozpinarê 7 welatiyên me, li gundê Guvendîkê jî welatiyekî me mir. Bi tevahî 8 welatiyên me mirin. Walî ji min ra got ku vê gavê kes binê kavilan da nemaye."
HABERE YORUM KAT
Türkçe karakter kullanılmayan ve büyük harflerle yazılmış yorumlar onaylanmamaktadır.