1. HABERLER

  2. KURDÎ

  3. Cewad Seîd: Rewşa Berhem Salih hem li Bexdayê hem jî li nav YNKê de xirab e!
Cewad Seîd: Rewşa Berhem Salih hem li Bexdayê hem jî li nav YNKê de xirab e!

Cewad Seîd: Rewşa Berhem Salih hem li Bexdayê hem jî li nav YNKê de xirab e!

Kesekî nêzîkî serokomarê Iraqê Berhem Salih dibêje, rewşa Berhem Salih hem li Bexdayê xirab e hem jî li YNKê de!

A+A-

 

Kesekî nêzîkî serokomarê Iraqê Berhem Salih bi navê Cewad Seîd, ku nia şêwirmendekî parlementoya Kurdistanê ye, ji BasNewsê re got, xwepêşandanên Iraqê didomin û ber bi aliyekî ve diçin ku divê serokomarê Iraqê Berhem Salih jî mîna serokwezîrê wî welatî dest ji kar berde.

Cewad Seîd her wiha got, lê eger Berhem Salih dest ji serokomartiya Iraqê berde û destvala bimîne, wê çaxê dê ji YNKê re serêşiyan çêbike!

Wî siyasetmedarî da zanîn, eger di çaremîn kongireya YNKê de sekreterê giştî yê YNKê yan jî cîgirê sekreterê bi hilbijartin û dengdanê bên destnîşankirin, wê çaxê şansê Berhem Salih gelekî kêm dibe û rewşa wî gelekî xirab dibe.

Cewad Seîd da xuyakirin, beşek mezin ji endam, alîgir û berpirsên YNKê ji Berhem Salih aciz bûne ji ber ku wî ji ber post û meqam dest ji partiya xwe (Partiya Demokrasî û Dadperweriyê) berde û vegeriya nav YNKê. Berpirs û endamên YNKê dibêjin, eger Berhem Salih bibe sekreterê YNKê wê çaxê dê wisa bi hêsanî dest ji YNKê jî berde! Loma şansê wî di nav YNKê de gelekî kêm e.

Bi gotin wî şêwirmendê parlementoya Kurdistanê, Berhem Salih daxwaz kiriye li derveyî kongireyê li şûna Mam Celal rûnê û bibe kesê yekem yê partiyê. Lê berpirsên kongireyê daxwaza wî red kirine.

Cewad Seîd tiştekî sosret jî li ser Berhem Salih got û da zanîn, Berhem Salih heta niha ne tenê nekariye wek serokomarê Iraqê aloziyên Iraqê aram bike û xwepêşandanan bide sekinandin, belkî bi awayekî ne rasterast xwepêşander li dijî Adil Ebdulmehdî jî gij kiriye!

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.