1. HABERLER

  2. KURDÎ

  3. Çekdarên Heşdî Şeebî malên Kurdan dişewitînin
Çekdarên Heşdî Şeebî malên Kurdan dişewitînin

Çekdarên Heşdî Şeebî malên Kurdan dişewitînin

Li bajarokê Xurmatû çekdarên Heşdî Şeebî ser bi Şîeyan çend malên Kurdan şewitandin û Esayîbî Ehlî Heq jî gefan li Kurdan dixwe.

A+A-

Li Taxa Hey Eskerî ya bajarokê Xurmatû (70 km başûrê Kerkûk), doh çekdarên Heşdî Şeebî êrîşî çend malên Kurdan kirin û şewitandin, lê belê heta niha nayê zanîn ka gelo ziyanên canî hene yan na.

Her doh (13.11.2015) Turkmenên wî bajarokî hewl dan ku çend malên Kurdan bişewitînin lê belê rê li wan hat girtin.

Bajarokê Xurmatû du beş e, piraniya daniştvanên aliyê rojhilat Turkmenên Şîe ne û hinek Kurd jî lê hene, piraniya aliyê rojava jî Kurd in û zêdetir pirsgirêk ji wan malan re tên derxistin ku di nav Turkmenan de ne.

Ji aliyekî din ve Berdevkê Leşkerî yê Esayîbî Ehlî Heq Cewad Tilîbawî, derbarê şer û aloziyên ku li Xurmatû di navbera Hêzên Pêşmerge û çekdarên Heşdî Şeebî de qewimîn, gef li Kurdan xwarin û got ku Esayîbî Ehlî Heq li benda danûstandinê ye û eger Kurdan tu bersivek neda, ew dê bi tundî bersiv bidin.

Şêx Cafer gefan li Heşdî Şeebî dixwe

Şêx Cafer gefan li Heşdî Şeebî dixwe
Şêx Cafer Şêx Mistefa
 

Fermandeyê Hêza 70ê ser bi Wezareta Pêşmerge Şêx Cafer Şêx Mistefa, 13ê Mijdarê li ser Facebooka xwe nivîsandibû ku ew qebûl nakin kes zordariyê li miletê Kurd bike.

Derbarê  metrisiyên li ser mal û milkên Kurdan li bajarê Xurmatû Şêx Cafer, da zanîn ku wan hêzeke Pêşmerge şandiye wî bajarokî bo parastina mal û milkê Kurdan û eger neçar man Pêşmerge amade ne şer bikin û bi derbeyên giran bersiva wan bidin.

Piştî aloziyên qezaya Xurmatû ya ser bi Kerkûkê û derketina şer di navbera Hêzên Pêşmerge û çekdarên Heşdî Şeebî de, şevê din Şêx Cafer li ser pêgeha xwe ya Facebookê ev peyama dijwar da Heşdî Şeebî ya Şîeyan.

Roja 12ê Mijdarê li bajarokê Xurmatû şer di navbera Hêzên Pêşmerge yên Kurdistanê û çekdarên Heşdî Şeebî de derket û heta niha jî ew şer berdewam e.

Ji aliyekî din ve li Taxa Hey Eskerî ya bajarokê Xurmatû (70 km başûrê Kerkûk), doh çekdarên Heşdî Şeebî êrîşî çend malên Kurdan kiribûn û şewitandin, lê belê heta niha nayê zanîn ka gelo ziyanên canî hene yan na.

Bajarokê Xurmatû du beş e, piraniya daniştvanên aliyê rojhilat Turkmenên Şîe ne û hinek Kurd jî lê hene, piraniya aliyê rojava jî Kurd in û zêdetir pirsgirêk ji wan malan re tên derxistin ku di nav Turkmenan de ne.

Kurdîstan24

Önceki ve Sonraki Haberler

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.